KARAKORUM ON A MAP

Фрагмент карты, созданной Ortelius, Abraham (1527-1598), опубликована в Антверпене в 1603. Карaкорум показан ЗАПАДНЕЕ Алтайских гор!

 http://forum.freekalmykia.org/index.php?showtopic=287&pid=2078&st=0&#entry2078

 

Posted by ganaa at 18:32:36 | Permanent Link | Comments (0) |

BURYAT GESHE CHODAK AND HIS DICTIONARY

БУРИАД ГЭВШ ЧОЙДОГ ХИЙГЭЭД ТҮҮНИЙ ТОЛЬ БИЧИГ


Гэвш Чойжидагвийн толь бичиг гэж алдартай Төвд хэлний тайлбар толь бичиг байдаг. Гэвш Чойжидагва бол Буриад хүн бөгөөд Төвдийн Сэра хийдэд суралцаж гэвш болж улмаар Төвдөд нэг насаараа амьдарсан эрдэмтэн хүн билээ. Түүний толь бичгийг гэвш Чойдог өөрөө зохиогоогүй харин Төвдийн алдарт эрдэмтэн Амдо Гэндэнчоймболын бүтээлийн хулгайлсан гэж Төвдийн орчин цагийн зарим эрдэмтэд үздэг.

 

Гэвч энэ тухай үнэнийг өгүүлсэн “Миний мэдэх Чойдог гэвш хийгээд түүний толь бичиг” хэмээх нэгэн өгүүлэл Америкийн Нью Иорк хот дахь Орчин цагийн Төвдийн соёлын Лазе номын сангаас (Latse Contemporary Tibetan Cultural Library) эрхлэн гаргадаг Лазе сэтгүүлийн 2005 оны эцсийн дугаарт  хэвлэгдснийг орчуулан толилуулах гэж байна. Энэ өгүүлэл бол Чойдог гэвшийг сайн таних Хорхан Жамба Дандар гэдэг хүний дурсамж бөгөөд гэвш Чойдогын намтарыг тодруулах хийгээд дээрхи маргааныг шийдвэрлэхэд чухал ач холбогдолтой материал болох юм.

 

Жинхэнэ англи төвд хэл дээрхи эхийг доорхи вебсайтнаас үзэж болно.

http://www.latse.org/newsletter/2005vol3num1/index.html

 

Posted by ganaa at 07:45:51 | Permanent Link | Comments (0) |

A MONGOLIAN TEXT ON HYDROPHATY


ХАЛУУН УСАНД  ОРОХУЙН ЁС
ХИЙГЭЭД
ОРСОНЫ ТУС ЭРДЭМ
 
Намо гүрү. Оточ Бурханд мөргөмү. Халуун усанд орохуйн ёс хийгээд орсоны тус эрдэмийг тантраас салган бичвэй. Таван махбодийг тэгштгэн бузар арилган, хилэнц барагдаад, насан урт болюу. Хамаг өвчнүүд эдгэж, зүс өнгө сайхан болоод, сэтгэл амирлаад, ухаан тунгалаг болох тэргүүтэн тус эрдэм агуу цаглашгүй болой.
 
Ёсчилон орохуйн цаг нь хавар намарын цаг арван тавнаас ургаш, эрт оройн цагт ор. Жин үд цагт усан уур доор орох цагт орвоос цулд цус ойх, нүд, цээж биед гэм болох буй. Онгоц сайн зүгт хандаж, орох, суух, гарах буй. Бүх биеээр орвоос сайн. Гурван долоо хорин нэг мэт хэлтгий тоогоор арвай мэт орвоос сайн. Анханаа ороход итгэл явуулж амьтны тусад зориулан ерөөл тавь. Сайн орны лус, газрын эздийг сайтар баясган тахь. Сан тавь. Хилэнцийг наминчлан үйлд.  Сүүлд гарах цагт өлзий хутаг оршуулж, сайн номын ерөөл тавь. Номлосон ёсоор орвоос тус эрдэм нь цаглашгүй бүрдэх болюу.
 
Уснаа орох цагт идээ явдалыг цээрлэх мэт хичээлтэй эдлэ. Номлосон ёсоор болоод өвөл зуны цагт сарын хуучин өдөр зүг болохын төдий хэмээн номлосон болой. Лам гурван эрдэнийн адистидаар хамаг амьтад гурван хороос үүссэн өвчин зовлон хоцролгүй маш сайтар арилж дээд гурван биеийн хутагийг хурданаа олох болтугай. Мангалам.
 
Yүнийг Хөвсгөл аймгийн Галт сумын Хужиртын хүрээний нутагт Тариатын хүрээний маарамба асан Гэлэг хэмээх хүний номон дундаас /2002-07-02/ олж хуулж бичвэй. Сайн буян орших болтугай.
 
Posted by ganaa at 10:30:02 | Permanent Link | Comments (0) |